သားလေးရဲ့မေမေ

သားလေးကို လွယ်ထားရတဲ့ သားလေးရဲ့မေမေ။ ကိုယ့်အစ်ကိုကြီးက သူ့ကို “ငါ့ညီမက ဗိုက်လေးနဲ့ကျ ပိုပြီးခန့်လာတယ်” လို့ ပြောပြီးကတည်းက အပြင်သွားဖို့ အင်္ကျီအ၀တ်အစားလဲပြီးတာနဲ့ ဓာတ်ပုံ ရိုက်ခိုင်းတော့တာပဲ။း)။ ကိုယ့်အစ်ကိုကြီးပြောတာလည်း ဟုတ်နေတော့ ကိုယ်ကလည်း အမြဲ လိုလိုချင်ချင် ရိုက်ပေးပါတယ်။း)။ အော် ကြွားစရာလေးကလည်း ရှိနေတာကိုး။ သူ ရုံထားတဲ့ ပုဝါလေးက Valentine Day အမှတ်တရ ကိုယ်ဝယ်ပေးထားတာလေ။ အဲဒါလေးကို ရုံလိုက်တိုင်း ကိုယ့်ရဲ့ချစ်ခြင်းမေတ္တာတွေနဲ့ နွေးထွေးငြင်သာစွာ ထွေးပွေ့ခံရတယ်လို့ သူမ ခံစားနိုင်စေဖို့ ရည်ရွယ်ပြီး ၀ယ်ပေးမိခဲ့တာပါပဲ။

သားလေးအတွက်

သားလေးအတွက် ရည်ရွယ်ပြီး မိတ်ဆွေ သူငယ်ချင်းအချို့က ပေးထားတဲ့ လက်ဆောင်လေးတွေနဲ့ သူ့ရဲ့စုဘူးလေး။

ကိုယ်တို့ရဲ့သားလေး

Ultra Sound ရိုက်ထားတဲ့ သားလေးရဲ့ပုံလေးတွေ။ Scanner မရှိသေးလို့ ဓာတ်ပုံရိုက်ပြီးပဲ တင်လိုက်ရတယ်။ ဒါကြောင့် ပုံလေးတွေက နည်းနည်းဝါးနေသလားမသိ။ ဘယ်လိုပဲဖြစ်ဖြစ် သားလေးက တစတစ ပုံမှန် ဖွံ့ထွားနေလေရဲ့။ ဟိုတရက်က ရန်ကုန်အိမ်နဲ့ဖုန်းပြောတုန်း ကိုယ့်ရဲ့ တဦးတည်းသော ၉ နှစ်အရွယ် တူမလေးကို နောက်မိတယ်၊ “ဦးငယ်သားလေးက ဦးငယ်နဲ့ သိပ်တူတာပဲ၊ ဦးငယ်လိုပဲ အရပ်ရှည်ရှည်နဲ့ ချောချောလေးလို့ ပြောတော့ တူမလေးက အံမယ် မွေးတောင် မမွေးရသေးဘဲနဲ့ ကြွားနေလိုက်တာ” လို့ ပြန်ပက်လေရဲ့။ ပြီးတော့ သူ့ကိုအချစ်လျော့မှာ စိုးလို့ထင်ပါရဲ့၊ ငိုချင်ချင်တောင်ဖြစ်သွားတယ်လို့လည်း ပြောသေးတယ်။ တတ်လည်းတတ်တဲ့ တူမလေး။ အဲဒါနဲ့ပဲ ဦးငယ်က သမီးရှိပြီးသားမို့လို့ သားလေးပဲ လိုချင်တာ၊ သမီးက နံပါတ်တစ်ပါပဲလို့ သူကျေနပ်အောင် ပြန်ချော့လိုက်ရတယ်။ အဲဒီတော့မှ သူကလည်း သမီးကလည်း ဦးငယ်ကိုပဲ အချစ်ဆုံးပါတဲ့။ အင်း သူ့ဘကြီးများကြားရင်တော့ မနာလိုဖြစ်ဦးမှာပဲ။း)

ငယ်ပုံရိပ်နဲ့ သားလေးအတွက် အတွေး-၁

သားလေးမွေးလာရင် ကိုယ်ငယ်ငယ်က ကြုံခဲ့ရတဲ့ နေမှုထိုင်မှုပုံစံ၊ စိတ်ခံစားချက် အဲဒါတွေထဲက ကောင်းတာလေးတွေယူပြီး မကောင်းတာတွေကို သူ မကြုံတွေ့၊ မခံစားနိုင်စေဖို့ ကြိုးစားတည်ဆောက်ပေးမယ်လို့ စဉ်းစားထားတယ်။

ကိုယ်က မိသားစုထဲမှာ အငယ်ဆုံး၊ ကိုယ်တုိ့မောင်နှမတွေက ပျှမ်းမျှ ၂ နှစ်ကြီး၊ ၂ နှစ်ငယ်တွေ။ ဒါပေမယ့် ကိုယ့်အကြီးဆုံး အစ်ကိုကြီးနဲ့ ကိုယ်နဲ့က ၇ နှစ်ကွာတာဆိုတော့ ကြားထဲက တနှစ် ဘယ်ပျောက်သွားလဲ ကိုယ်လည်း မစဉ်းစားတတ်ဘူး။း) ကိုယ့်အထက်က ကိုယ်တို့မောင်နှမထဲမှာ တဦးတည်းသော မိန်းကလေး၊ ကိုယ့်အစ်မ။ သူက ကိုယ့်ထက် ၂ နှစ်ကြီးတယ်။ အစ်ကိုလတ်ကတော့ ကိုယ်တို့ ငယ်ငယ်လေးထဲက ဆုံးသွားတော့ သူနဲ့ပတ်သက်တာတွေက ရေးတေးတေးပဲ မှတ်မိတော့တယ်။ အထက်အောက် မောင်နှမတွေ နီးစပ်ကြတဲ့ ထုံးစံအတိုင်း ကိုယ်နဲ့ကိုယ့်အစ်မကလည်း ငယ်ငယ်က အတူတူဆော့ဖက်၊ ကျောင်းသွားဖက်၊ သူနဲ့ပဲ အနီးစပ်ဆုံးလို ဖြစ်တာပေါ့။

ကိုယ့်အဖေနဲ့ အမေက ၀န်ထမ်းတွေဆိုတော့ မိုးလင်းတာနဲ့ အလုပ်သွား၊ ညနေစောင်းမှ ပြန်ရောက်ကြတယ်။ အများအားဖြင့်တော့ အမေက စောပြီးပြန်ရောက်တာ များပါတယ်။ အဖေကတော့ လမ်းမှာ သူ့အပေါင်းအသင်းတွေနဲ့ ထိုင်ရင်ထိုင်၊ ဒါမှမဟုတ် သူ့တပည့်သားချင်းများက ပြုစုတာနဲ့ တခွက်တဖလား မော့ပြီးမှပဲ ပြန်လာတာများတယ်။ ညနေ မိဘတွေ ပြန်မရောက်ခင် အိမ်အလုပ်တွေကို အလှည့်ကျ လုပ်ရလေ့ရှိတယ်။ ကိုယ်တို့ အတော်ငယ်သေးတဲ့ အချိန်တုန်းကတော့ အများအားဖြင့် အစ်ကိုကြီးပဲ လုပ်ရတာ များပါတယ်။ ရေခပ်၊ ကြမ်းတိုက်၊ ထမင်းအိုး၊ ရေနွေးအိုးတည်၊ စသည်ပေါ့။ ကိုယ် ငါးတန်း ခြောက်တန်းလောက်ရောက်တော့ ရေခပ်၊ ကြမ်းတိုက် စသည် တချို့အိမ်အလုပ်တွေကို ခွဲတမ်းနဲ့လုပ်ရတယ်။ မီးဖိုချောင်အလုပ်ကတော့ အစ်ကိုကြီးနဲ့ အစ်မ လုပ်ရတယ်။

မနက် အလုပ်မသွားခင် အမေက ဒီနေ့ ဘယ်သူဘာလုပ်ရမယ်ဆိုတာ ခွဲတမ်းချပေးလေ့ရှိတယ်လို့ မှတ်မိနေတယ်။ ညနေပြန်လာလို့ ကိုယ့်အလုပ် ကိုယ်ပြီးအောင် မလုပ်ထားရင်တော့ အမေ့ရဲ့လက်သံနဲ့ တွေ့ပြီသာမှတ်။ ကလေးဆိုတော့ တခါတလေ အဆော့မက်ရင်း မလုပ်မိတာ၊ နောက်ကျသွားတဲ့အခါလည်း ရှိတာပေါ့။ ရေခပ်ရတာကလည်း အိမ်နဲ့ နည်းနည်းလှမ်းတော့ တခါတလေ ပျင်းပြီး မလုပ်ဖြစ်တာ ရှိတတ်သေးတယ်။ အဲဒါဆိုရင်တော့ အနွှာခံရပြီသာမှတ်။

ကိုယ်ငယ်ငယ်က အတော်ကြောက်တတ်တာ။ ညမှောင်ရင် အပြင်မထွက်ရဲတာ၊ ခွေးဟောင်သံကြားရင် ကြောက်တာ၊ တယောက်တည်း မအိပ်ရဲတာ၊ ကြောက်တတ်တာတော့ စုံနေတာပဲ။ တခါတလေ အိမ်မှာ အကြောင်းကိစ္စတခုခုနဲ့ မောင်နှမတွေ အနွှာခံရပြီဆိုရင် ကိုယ့်မှာ ကြောက်လို့ ချောင်လေးထဲမှာ ကုပ်၊ မျက်လုံးပြူးပြီး တယောက်တည်း မျက်ရည်တွေ ကျနေတတ်တာ။ ဒါတောင် ကိုယ်တိုင် အရိုက်ခံရတာ မဟုတ်သေးဘူး။ ကိုယ့်ထက်အကြီးတွေ အရိုက်ခံရတာ ကြည့်ပြီးတော့ကို ကြောက်နေတတ်တာ။ အဲဒါကြောင့်ပဲ ထင်ပါရဲ့ တော်ရုံတန်ရုံ ရိုက်ချင်တာတောင် ကြည့်ပြီး သနားသွားလို့ အရိုက်လွတ်သွားတဲ့အခါတွေ ရှိခဲ့ဖူးတယ်။း) ကိုယ့်အဖေကလည်း ငယ်ငယ်က လက်သံပြောင်တဲ့အထဲမှာ ပါတယ်။ အများဆုံးခံရတာတော့ အစ်ကိုကြီးပေါ့။ အော် အကြီးဆုံးဆိုတော့ ကောင်းရင်လည်း အရင်စံ၊ မကောင်းရင်လည်း အရင်ခံပဲပေ့ါလေ။

နောက် အမေကလည်း ကိုယ်တို့ကိုပြောထားတာ၊ လူကြီးတွေ စကားပြောရင် ၀င်မရှုပ်ရဘူး၊ ၀င်မပြောရဘူး၊ ကိုယ့်ဘာသာနေ၊ ဆူညံဆူညံ မလုပ်ရ၊ စသည်အားဖြင့် စုံနေတာပါပဲ။ ကိုယ်ထင်တာတော့ ကလေးဘ၀မှာ ကိုယ်တွေအတွက် ပညတ်ချက်တွေက များခဲ့သလားမသိဘူး။ ဟိုမသွားရ၊ ဒီမလာရ၊ ဟိုဟာမလုပ်ရ၊ ဒီဟာမကိုင်ရ၊ ဒီအချိန်မှာ ဒါလုပ်၊ ဒီအချိန်မှာ ဒါပြီးရမယ်၊ ကိုယ့်ထက်ကြီးတဲ့လူကို ပြန်ခံမပြောရ၊ စသည်အားဖြင့် အတော်များပုံရတယ်။ အဲဒီအတွက်ထင်ပါရဲ့၊ ကိုယ်က အတော်ကြီးတဲ့အထိ တော်ရုံဆို မပြောရဲ၊ မဆိုရဲ၊ မသွားရဲ၊ မလာရဲ၊ တခုခုဆို ဘာမှမလုပ်ရသေးဘူး စိုးရွံ့စိတ် များနဲ့၊ ငယ်ဘ၀က တချို့ နေမှုထိုင်မှု၊ ကြုံတွေ့ခဲ့ရမှုတွေက ကြီးတဲ့အထိ လာရိုက်ခတ်ပုံရတယ်။ တခါတခါ အဲဒါတွေ ပြန်တွေးမိပြီး အော် သားလေးဆိုရင်တော့ အဲဒီလိုတွေ မဖြစ်အောင်၊ မခံစားရအောင် ကြိုးစားမယ်လို့ တွေးမိတယ်။

အိပ်မက်ရဲ့ အခိုးအငွေ့များ

ကြည်မောင်သန်း

ဆယ်လမန်ရပ်ရှဒီရယ်
တာဆီလီမာနာဆရင်းရယ်
ကျွန်တော်ရယ်
ကမ္ဘာ့ချောင်ကြိုချောင်ကြားမှာ
စကားဝိုင်းဖွဲ့ဖြစ်ကြတယ်

ကမ္ဘာကြီးထဲမှာ
ကဗျာရွာလေးတည်ချင်လို့
အောက်တာဗီယိုပါ့ဇ်
ဒါမှမဟုတ် ရှေးမာ့စ်ဟေနီကို
သူကြီးတင်မြှောက်ရင်ကောင်းမလား။

လူ့ဘ၀ဆိုတာ
အနက်ရောင်နဲ့ ပုံနှိပ်ခံရတဲ့နေ့တွေချည်းပဲ မဟုတ်ပါဘူး
တစ်ပတ်တစ်ခါ အနီရောင်နဲ့ ပုံနှိပ်ခံရပါသေးတယ်
ကျွန်တော်တို့ မှားချင်လည်းမှားမယ်
အဲဒီလိုကြားထဲက
တစ်ယောက်ဘ၀ကိုတစ်ယောက် ငှားကြည့်မိကြတယ်

အရှိန်ရနေတဲ့ သီချင်းတစ်ပုဒ်ကို
ဇက်ကြိုးမတုန့်လိုက်ပါနဲ့
ကိတ်မုန့်ကိုလှီးတဲ့ဓားဟာ
ကိတ်မုန့်အရသာကို သိစရာမလိုပေမယ့်
လူဖြစ်ခဲ့ရလို့ လူ့ဘ၀အရသာကို မြည်းကြည့်ချင်ပါတယ်

နွားနို့တောင်မှ ချဉ်သွားရင်
ဒိန်ချဉ်ဖြစ်သွားသေးတာပဲ
လူ့ဘ၀ကို ရိုးရိုးသားသားခုံမင်တယ်

အမြှိုက်ရေကြည် နှစ်ပက်လောက်နဲ့
ဟောဒီနေ့တွေကို စွဲချက်မတင်လို
ကျွန်တော် မိခင်တွေကိုကြည်ညိုတယ်
ကလေးတွေကို လေးစားတယ်
စာလုံးပေါင်းအမှားတွေကို ဒီအတိုင်းထားလိုက်ပါတော့

ရထားတွေအော်ကုန်ပြီ
ငှက်တွေအော်ကုန်ပြီ
ဈေးသည်တွေအော်ကုန်ပြီ
မနက်တစ်ခွက်ဖျော်သောက်ဖို့
အိပ်ရာက ငေါက်ခနဲထထိုင်မိပြန်ပေါ့။ ။
(မတ်လ ၂၀၀၇ ရုပ်ရှင်တေးကဗျာမဂ္ဂဇင်းမှ)